ഇത്രയും മാനസിക സമ്മര്‍ദ്ദം നേരത്തെ അനുഭവിച്ചിട്ടില്ല.
ഹോ... എന്തൊരു അവസ്ഥയാണിത്...
ജീവിതപാതകളില്‍ സംഭവിക്കാവുന്ന പ്രതിസന്ധികളെക്കുറിച്ചു മുതിര്‍ന്നവര്‍ പറയുംബോളെല്ലാം പുച്ഛമായിരുന്നു.
എത്ര മേടിച്ചുകൂട്ടിയാലും ഒരിക്കല്‍ നീ അതിന്‍റെ അഭാവം അനുഭവിക്കും എന്ന് കൂട്ടുകാരന്‍ ഒരു ചെറിയ പരിഹാസത്തോടെ പറഞ്ഞപ്പോള്‍... ഒന്ന് പോടാ ചെക്കാ എന്ന് പറഞ്ഞു ഞാനവനെ പരിഹസിച്ചു.
ചെയ്തുകൂട്ടിയ എല്ലാ പാപങ്ങള്‍ക്കും ഭൂമിയില്‍വച്ചുതന്നെ അനുഭവിക്കും എന്ന് പറയുന്നതെത്ര ശെരിയാണ്!!!
അല്ലെങ്കില്‍ ഇപ്പോള്‍ ഇങ്ങനൊരു അവസ്ഥ. ഇപ്പോള്‍ വരേണ്ട കാര്യമെന്താണ്.
അനുഭവിക്കണം അത്രതന്നെ!!
പക്ഷെ മനസ്സ് നീറുകയാണ്....
ഒരിറ്റു സ്ഥലം ... അധികമൊന്നും വേണ്ട..
ഒരു 200 ...
അത്രെയെങ്കിലും ഒഴിവാക്കാന്‍ പറ്റിയാല്‍ മതിയായിരുന്നു....
എവിടുന്നു!!! പാംബുകടിക്കാനായിട്ടു ഒരിറ്റു സ്ഥലമില്ല അതില്‍, വല്ലതും ഒഴിവാക്കാമെന്ന് വച്ചാല്‍ , പിശാചിന്‍റെ പിടി മനസ്സില്‍ മുറുകി... മെല്ലെ പറഞ്ഞു "അരുത്!!! ഇതൊക്കെ ഇനിയും കിട്ടാന്‍ പാടാണ്, സൂക്ഷിച്ചു വക്കേണ്ട ഓര്‍മ്മകള്‍..!!!"
അറിയാതെ ദൈവത്തെ വിളിച്ചുപോയി...
ദൈവമേ!!! ഒരു 200Mb എങ്കിലും നിനക്കത്തില്‍ മിച്ചം വയ്ക്കാമായിരുന്നു. ഞാന്‍ ആ പുതിയ പടം സ്‌ട്രീം ചെയ്തെങ്കിലും കണ്ടേനെ..... :( കഴിഞ്ഞ ആഴ്ച മേടിച്ചല്ലേ ഉള്ളു, കുറവുവരേണ്ട എന്നുകരുതി 1Tb ആണ് വാങ്ങിയത്... എന്നിട്ടിപ്പോള്‍ :(
ബ്രോഡ്ബാന്‍ഡ്നെ മനസ്സറിഞ്ഞു ശപിച്ചുപോകുന്ന നിമിഷം!!! വേറൊന്നു വാങ്ങാമെന്നു വച്ച് നോക്കിയപോള്‍,
ഇടി വെട്ടിയവനെ പാമ്പ് കടിച്ചപോലെ ക്രെഡിറ്റ്‌ ലിമിറ്റും കഴിഞ്ഞു.
ഇനി?? :(
...................................………………...........(വേദനിക്കുന്ന ഒരു സാധാരണക്കാരന്‍)
